Төреғали Төреәлі

Төреғали Төреәліұлы Әлиханов — 1992 жылдың 14 қазанында Қызылорда облысы Байқоңыр қаласында дүниеге келген қазақстандық әнші. Алматы қаласындағы Т. Жүргенов атындағы Өнер академиясының колледжін актер мамандығы бойынша тәмамдаған (2009—2011). Өнер жолын айтыскер ақын ретінде бастаған, республикалық студенттік айтыстардың жүлдегері.

Төреғали Төреәлі 2015 жылы Ерке Есмаханмен бірге орындаған «Алло» әні арқылы кеңінен танылды. 2016 жылы «Біртүрлі қыз» әні үшін «Жыл таңдауы» Ұлттық телевизиялық музыкалық сыйлығының алғашқы иегері атанды. 2017 жылы Қайрат Нұртасқа қарсы «Star Fight» жобасында жеңіске жетті.

Әншінің продюсері — әкесі Төреәлі Төлепов. Жанры тойпоп (toi-pop) ретінде сипатталады, ал өзі «Ұлы дала баласы» лақап атымен де белгілі. Төреғали Төреәлі қазіргі таңда Қазақстандағы ең танымал эстрада әншілерінің бірі болып саналады.